ბებოს სიგარეტები

ბებოს რეცეპტი თლილი ჭიქიდან დავაკონვერტირე გრამებში, გადავაკეთე, გადმოვაკეთე და ფანტასტიკური რეცეპტი გამოვიყვანე. (გავანახევრე გულსართის ინგრედიენტები, რადგან ბევრი იყო. ამოვიღე ორცხობილა და მთლიანად ნიგვზით შევცვალე, შაქარი გამოვიყენე ყავისფერი).

 

ცომისთვის დაგჭირდებათ:

200 გ კარაქი

215 გ არაჟანი

500 გ ფქვილი

4 კვერცხის გული

 

გულსართი:

200 გ ნიგოზი

200 გ შაქარი 

1 ჩ.კ დარიჩინი

მწიკვი მარილი

2 კვერცხის ცილა

 

რეცეპტი გვეუბნება ცომის ინგრედიენტები დავკეპოთო, მე მოვამზადე ტარტის ცომის პრინციპით, ცივი თხლად დაჭრილი კარაქი და ფქვილი გავაფხვიერე და დავუმატე არაჟანი და კვერცხის გული. 

ცომს ვანაწილებთ 6 ნაჭრად, ვინახავთ მაცივარში, სანამ ვამზადებთ გულსართს. 

ვაბრტყელებთ და თითოეულ დისკს, ვჭრით 8 სამკუთხედად. ჩავდებთ 1\2 ჩ.კ გულსართს და ვახვევთ კრუასანის პრინციპით. 

ვაცხობთ 190 გრადუსზე 25-30 წუთი.