Foodography

რეცეპტები

More

რჩევები

ამ რჩევების წაკითხვის შემდეგ, დამთავრდება შენი კულინარიული იმედგაცრუებები.

ვიდრე მომზადებას შეუდგები, წაიკითხე რეცეპტი თავიდან ბოლომდე (და არა მხოლოდ ინგრედიენტების ჩამონათვალი), რადგან, შესაძლოა მოითხოვდეს ისეთ ინვენტარს (მაგალითად თერმომეტრს, რომელიც არ გაქვს) ან ტექნოლოგიას, რის შესახებაც წინასწარ უნდა იცოდე.

თუ რეცეპტი მოცემულია წონის ერთეულებში, აუცილებელია ყველა ინგრედიენტის სასწორზე აწონვა, ეს განსაკუთრებით დესერტებს ეხება, რადგან კონდიტერიაში მეტი სიზუსტეა საჭირო. ნუ ეცდები ჭიქებით “აწონვას” - 200 მლ. წყლის ჭიქაში ჩაყრილი ფქვილი არ ნიშნავს 200 გრამ ფქვილს.

თუ რეცეპტი მოცემულია მოცულობის ერთეულით ანუ ჭიქით, აქ მნიშვნელოვანია გამოიყენო სპეციალური საზომი ჭიქები (1, ½, ⅓, ¾, ¼ ჭიქების კომპლექტი) და არა ყავის, ჩაის ან თლილი ჭიქა. როდესაც ჭიქით ვზომავთ ინგრედიენტს, ყოველთვის იგულისხმება გადასწორებული ზედაპირით.